NEWS

Nënshkruhet marrëveshja për bashkëpunim regjional gjeohapësinor

Një delegacion i Agjencisë Kadastrale të Kosovës i prirë nga Kryeshefi Ekzekutiv z. Avni Ahmeti është duke marrë pjesë në Konferencën e 12 regjionale për kadastër dhe Infrastrukturë kombëtare për informacionet gjeohapësinore, e cila është duke u mbajtur në Neum të Bosnje dhe Hercegovinës me 4,5 dhe 6 shtator, 2019. 
Qëllimi kryesor i kësaj Konference ishte nënshkrimi i marrëveshjes së bashkëpunimit mes institucioneve përgjegjëse për hartografi dhe kadastër nga shtetet e Ballkanit Perëndimor, respektivisht nga Republika e Kosovës, Republika e Shqipërisë, Republika e Maqedonisë së Veriut, Mali i Zi, Bosnje dhe Hercegovina, Serbia, Sllovenia dhe Kroacia. 
Kjo marrëveshje ka për qëllim  ngritjen e shkallës së bashkëpunimit mes institucioneve respektive në fushat e interesit të përbashkët, duke përfshirë avancimin e bashkëpunimit në kadastër, gjeodezi dhe hartografi, në zhvillimin dhe interoperabilitetin e GNSS sistemeve, në zhvillimin e rrjeteve gravimetrike dhe trigonometrike,  në harmonizimin dhe hapjen e të dhënave hapësinore konform politikave dhe direktivave të BE-së e ngjashëm.
Marrëveshja u përkrah edhe nga shtete dhe organizata të fuqishme si Qeveria Suedeze, Qeveria Norvegjeze, Qeveria Holandeze, Banka Botërore, JICA,  të cilat ishte edhe promotorë të arritjes së kësaj marrëveshjeje.


AKK- USAID, takim për trajtimin e legalizimit të objekteve pa leje

Me qëllim të ngritjes së shkallës së bashkëpunimit në fusha të interesit të përbashkët, me theks të veçantë trajtimi i objekteve pa leje, Kryeshefi i Agjencisë Kadastrale të Kosovës z. Avni Ahmeti priti në një takim pune një delegacion të USAID-it të përfshirë në përkrahje të implementimit të ligjit për legalizimin e objekteve pa leje. Palët në takim u pajtuan që ka nevojë për unifikimin e procedurave të legalizimit, ka nevojë edhe për ngritjen e kapaciteteve profesionale të zyrtarëve të nivelit lokal e qendror, si dhe të sektorit privat të cilët merren me procesin e legalizimit. Agjencia Kadastrale e Kosovës premtoi përkrahje si në ekspertizë po ashtu edhe në shkëmbim të informacioneve të cilat do të lehtësojnë procesin e legalizimit, ndërsa nga ana tjetër kërkoi nga USAID që gjatë trajtimit të zyrtarëve, të merret parasysh edhe trajnimi i gjeodetëve të licencuar në trajtimin e legalizimit të objekteve pa leje.


AKK, bashkëpunim me IKAP

Kryeshefi i Agjencisë Kadastrale të Kosovës z. Avni Ahmeti, i shoqëruar nga drejtoresha e Drejtorisë për Financa dhe Administratë znj.Fazile Hamiti,  priten sot në takim pune Kryeshefen e Institutit të Kosovës për Administratë Publike ( IKAP ) znj. Refike Sulçevsi.Tema e takimit ishte identifikimi u fushave të bashkëpunimit në ngritjen profesionale të shërbyesve civil përmes trajnimeve që ofron IKAP. Kreyeshefi i AKK-së z. Ahmeti dhe z-nja Sulçevci u pajtuan që përmes takimeve intenzive dhe përmes prezantimit të aktiviteteve të ndërsjella të bëhet një olan konkret i veprimit, krejt me qëllim të avancimit të kualitetit gjatë ofrimit të shërbimeve.


AKK takim me KRU “Gjakova”

Zyrtarë të  Agjencisë Kadastrale të Kosovës përkatësisht stafi nga projekti IMPULS, kanë mbajtur një takim me Kompaninë Rajonale të Ujësjellësit "Gjakova" SH.A.  dhe zyrtarë të KRU "Gjakova". Qëllimi i këtij takimi ishte shkëmbimi i të të dhënave Gjeohapësinore të sistemit të ujësjellësit dhe kanalizimit,  që i përkasin temës " Shërbimet Publike Komunale Qeveritare" nga direktiva "INSPIRE",  për prezantim në  Gjeoportalin Shtetëror. Në parim të dyja palët u dakorduan që bashkëpunime të tilla janë mjaft të rëndësishme si për qytetarin e Kosovës ashtu edhe për institucionet,  që të prezantohen të dhënat që Kompania Rajonale e Ujësjellësit " Gjakova" posedon dhe mirëmban, mirëpo kësaj marrëveshje do ti paraprijë  kërkesa zyrtare nga kryeshefi i AKK-së z. Avni Ahmeti, për shkëmbimin e të dhënave përkatëse. Ndërsa  në fund të këtij takimi u potencua se është e rëndësishme të prezantohen këto veçori si :  Linja e gypit kryesor, linja e gypit shpërndarës,  linja gypit furnizues, rrjeti i kanalizimit fekal, rrjeti i ujërave atmosferike si dhe ujëmbledhëset.
Takime dhe bashkëpunime të tilla janë të mirëseardhura për Agjencinë Kadastrale të Kosovës.  


Skanimi, takime në Viti e Kamenicë

Një ekip ekspertësh nga Agjencia Kadastrale e Kosovës është duke monitoruar implementimin e projektit "Skanimi i Dokumenteve Arkivore për Zyrat Kadastrale", dhe për këtë arsye janë vizituar Zyrat Kadastrale Komunale në Viti dhe në Kamenicë. Në Komunën e Vitisë ekipi i AKK-së u prit nga drejtoresha për Gjeodezi dhe Kadastër z-nja Majlinda Ostrogllava.  Ajo së bashku me bashkëpunëtorë njoftuan mbi mbarëvajtjen e rregullt të punës në skanimet e dokumenteve kadastrale, si dhe shprehën gatishmërinë që të japin mbështetjen e tyre që ky proces të shkoj sa më mirë.  Po ashtu gjatë vizitës në këtë Komunë ekspertët e AKK monitoruan nga afër skanimin e dokumenteve nga Kompania përgjegjëse për skanim, dhe u konstatua që procesi po zhvillohet sipas planit dinamik. Menaxherja e projektit Ajshe Gashi iu prezantoj disa gabime dhe dha disa vërejtje më të shpeshta duke iu referuar raporteve që janë bërë nga zyrtarët e AKK-së në mënyrë që këto gabime mos të përsëriten më. Po ashtu nga drejtoresha për gjeodezi dhe kadastër u kërkua të caktohet një zyrtarë komunal, që të jetë i pranishëm në zyrën e skanimeve për ti asistuar në proces. Ndalesa tjetër gjatë kësaj vizite ishte në Komunën e Kamenicës ku ekipi i AKK-së  u prit nga Drejtoresha për Gjeodezi dhe Kadastër z-nja Krenare Mavriqi. Gjatë monitorimit të punëve u konstatua që njëri nga dy skenerët që gjenden në zyre nuk punon dhe është i vjetër, ndërsa u konstatua nevoja që i njëjti të zëvendësohet me të ri. Po ashtu, gjatë vizitës në Kamenicë u konstatua se stafi i përfshirë në skanim, ka nevojë për trajnim shtesë.


Showing 1 - 5 of 96 results.
Items per Page 5
of 20