Lajme
Pas aprovimit të Ligjit, AKK organ kompetent për IKIH
Me propozim të Ministrisë së Mjedisit, Planifikimit Hapësinor dhe Infrastrukturës respektivisht Agjencisë Kadastrale të Kosovës, Kuvendi i Republikës së Kosovës kohë më parë ka aprovuar Ligjin Nr. 08/L-010 për krijimin e Infrastrukturës Kombëtare të Informacionit Hapësinor (IKIH) në Republikën e Kosovës i cili është publikuar në gazetën zyrtare më datë 04.07.2022 dhe ka hyrë në fuqi 15 nga dita e publikimit në gazetën zyrtare, me datë 19.07.2022. Implementimi i konceptit të IKIH është i një rëndësie të veçantë për Republikën e Kosovës pasi vendi përditë e më shumë po ballafaqohet me rritje të kërkesës për të dhëna gjeohapësinore të cilat janë të nevojshme për planifikim dhe vendim-marrje. Bazuar në ligjin e sipërpërmendur Agjencia Kadastrale e Kosovës është pika qendrore për themelimin dhe koordinimin e IKIH.
Trajnim për adresa
Agjencia Kadastrale e Kosovës si organ kompetent për krijimin e sistemit të unifikuar të adresave në kuadër të projektit për regjistrimin e pronës së paluajtshme në kadastër dhe për infrastrukturë gjeohapësinore (REGIP), huamarrje kjo nga Banka Botërore, ka paraparë edhe aktivitetin për kompletimit të Sistemit të Adresave. Me qëllim të parapërgatitjes së zyrtarëve komunal për përkrahje të këtij aktiviteti kapital, AKK ka organizuar trajnim për zyrtarët e urbanizmit të komunave Gjilan, Suharekë, Deçan, Novobërdë dhe Junik. Qëllimi i trajnimit është të u ofroj zyrtarëve komunal njohuri rreth mirëmbajtjes së të dhënave të adresave përmes aplikacionit Sistemi i Informacioneve për Regjistrin e Adresave (SIRA). Trajnimet do të vazhdojnë edhe për zyrtarët e Drejtorive për Urbanizëm nëpër Komunat tjera.
AKK merr pjese në Forumin Botëror Gjeohapësinor

Vazhdojnë takimet në Komuna, nënshkruhen memorandume bashkëpunimi

Sistemi i Unifikuar i Adresave dhe ndërlidhja e regjistrit të adresave me regjistrin civil
