Vesti

Nënshkruhet marrëveshja për bashkëpunim regjional gjeohapësinor

Një delegacion i Agjencisë Kadastrale të Kosovës i prirë nga Kryeshefi Ekzekutiv z. Avni Ahmeti është duke marrë pjesë në Konferencën e 12 regjionale për kadastër dhe Infrastrukturë kombëtare për informacionet gjeohapësinore, e cila është duke u mbajtur në Neum të Bosnje dhe Hercegovinës me 4,5 dhe 6 shtator, 2019. 
Qëllimi kryesor i kësaj Konference ishte nënshkrimi i marrëveshjes së bashkëpunimit mes institucioneve përgjegjëse për hartografi dhe kadastër nga shtetet e Ballkanit Perëndimor, respektivisht nga Republika e Kosovës, Republika e Shqipërisë, Republika e Maqedonisë së Veriut, Mali i Zi, Bosnje dhe Hercegovina, Serbia, Sllovenia dhe Kroacia. 
Kjo marrëveshje ka për qëllim  ngritjen e shkallës së bashkëpunimit mes institucioneve respektive në fushat e interesit të përbashkët, duke përfshirë avancimin e bashkëpunimit në kadastër, gjeodezi dhe hartografi, në zhvillimin dhe interoperabilitetin e GNSS sistemeve, në zhvillimin e rrjeteve gravimetrike dhe trigonometrike,  në harmonizimin dhe hapjen e të dhënave hapësinore konform politikave dhe direktivave të BE-së e ngjashëm.
Marrëveshja u përkrah edhe nga shtete dhe organizata të fuqishme si Qeveria Suedeze, Qeveria Norvegjeze, Qeveria Holandeze, Banka Botërore, JICA,  të cilat ishte edhe promotorë të arritjes së kësaj marrëveshjeje.


AKK, bashkëpunim me IKAP

Kryeshefi i Agjencisë Kadastrale të Kosovës z. Avni Ahmeti, i shoqëruar nga drejtoresha e Drejtorisë për Financa dhe Administratë znj.Fazile Hamiti,  priten sot në takim pune Kryeshefen e Institutit të Kosovës për Administratë Publike ( IKAP ) znj. Refike Sulçevsi.Tema e takimit ishte identifikimi u fushave të bashkëpunimit në ngritjen profesionale të shërbyesve civil përmes trajnimeve që ofron IKAP. Kreyeshefi i AKK-së z. Ahmeti dhe z-nja Sulçevci u pajtuan që përmes takimeve intenzive dhe përmes prezantimit të aktiviteteve të ndërsjella të bëhet një olan konkret i veprimit, krejt me qëllim të avancimit të kualitetit gjatë ofrimit të shërbimeve.


Skanimi, takime në Viti e Kamenicë

Një ekip ekspertësh nga Agjencia Kadastrale e Kosovës është duke monitoruar implementimin e projektit "Skanimi i Dokumenteve Arkivore për Zyrat Kadastrale", dhe për këtë arsye janë vizituar Zyrat Kadastrale Komunale në Viti dhe në Kamenicë. Në Komunën e Vitisë ekipi i AKK-së u prit nga drejtoresha për Gjeodezi dhe Kadastër z-nja Majlinda Ostrogllava.  Ajo së bashku me bashkëpunëtorë njoftuan mbi mbarëvajtjen e rregullt të punës në skanimet e dokumenteve kadastrale, si dhe shprehën gatishmërinë që të japin mbështetjen e tyre që ky proces të shkoj sa më mirë.  Po ashtu gjatë vizitës në këtë Komunë ekspertët e AKK monitoruan nga afër skanimin e dokumenteve nga Kompania përgjegjëse për skanim, dhe u konstatua që procesi po zhvillohet sipas planit dinamik. Menaxherja e projektit Ajshe Gashi iu prezantoj disa gabime dhe dha disa vërejtje më të shpeshta duke iu referuar raporteve që janë bërë nga zyrtarët e AKK-së në mënyrë që këto gabime mos të përsëriten më. Po ashtu nga drejtoresha për gjeodezi dhe kadastër u kërkua të caktohet një zyrtarë komunal, që të jetë i pranishëm në zyrën e skanimeve për ti asistuar në proces. Ndalesa tjetër gjatë kësaj vizite ishte në Komunën e Kamenicës ku ekipi i AKK-së  u prit nga Drejtoresha për Gjeodezi dhe Kadastër z-nja Krenare Mavriqi. Gjatë monitorimit të punëve u konstatua që njëri nga dy skenerët që gjenden në zyre nuk punon dhe është i vjetër, ndërsa u konstatua nevoja që i njëjti të zëvendësohet me të ri. Po ashtu, gjatë vizitës në Kamenicë u konstatua se stafi i përfshirë në skanim, ka nevojë për trajnim shtesë.


AKK, diskutim mbi buxhetin

Me qëllim të diskutimit mbi shkallën e realizimit të buxhetit të Agjencisë Kadastrale të Kosovës për vitin 2019 dhe mbi projektet e parapara për implementimit për vitin 2020, Kryeshefi Ekzekutiv i Agjencisë Kadastrale të Kosovës z. Avni Ahmeti ka mbajtur një takim pune me drejtorët e drejtorive të AKK-së dhe me ekspertët financiar dhe të prokurimit në AKK. Gjatë takimit u prezantua gjendja e buxhetit, çka është realizuar nga projektet e parapara për realizim për vitin 2019 dhe çka mbetet për tu realizuar deri në përfundim të vitit. Sa i përket ecurisë së projekteve kapitale si Rindërtimi i Informacioneve Kadastrale, Skanimi dhe indeksimi i dokumenteve arkivore nëpër ZKK, migrimi i të dhënave, e ngjashëm u konstatua se ato po zhvillohen konform planit dinamik dhe pritet të përfundojnë brenda afateve të parapara. Për projektet e mbetura, si pajisje me pajisje për TI, krijimi i disa ueb aplikacioneve të reja,  planifikimi i tyre po shkon sipas parashikimeve dhe pritet që të njëjtat të përfundojnë po ashtu brenda këtij viti, që do të rezultonte me shkallë të kënaqshme të realizimit të buxhetit. 


Ecuria e skanimit të dokumenteve arkivore

Një nga projektet kapitale të Agjencisë Kadastrale të Kosovës që është duke u implemnentuar është Skanimi dhe indeksimi i dokumenteve arkivore nëpër zyrat kadastrale komunale. I njeti është duke u zhvilluar sipas planit të paraparë dinamik, ndërsa nga data e fillimit të projektit të skanimit e deri me datë 14.08.2019 janë skanuar 384263 faqe, si vijon:
Në komunën e Ferizajt, janë skanuar 285488 faqe nga 608305 faqe të parapara për skanim;
Në komunën e Vitisë , janë skanuar 13492 faqe nga 27512 faqe të parapara për skanim;
Në komunën e Kaçanikut, janë skanuar 28524 faqe nga 94918 faqe të parapara për skanim;
Në komunën e Kamenicës, janë skanuar 19399 faqe nga 228029 faqe të parapara për skanim;
Në komunën e Shtimes, janë skanuar 37090 faqe nga 112932 faqe të parapara për skanim;
Ndërsa në total nga 1071696  faqe të parapara për skanim, janë skanuar 383993 faqe.
Ndërsa, edhe krahas disa sfidave teknike, parashihet që projekti të përfundoj me sukses dhe brenda planit të paraparë. Përndryshe, nga ky projekt do të ngritët edhe kualiteti dhe shpejtësia e ofrimit të shërbimeve për qytetarët dhe institucionet e Republikës së Kosovës.


Prikaz 1 - 5 od 95 rezultate.
Artikli po strani 5
od 19